Kalli dandazon jama'a da suka halarci jana'izar babban malami

Limamin,  Sheikh Imam Lawal ya rasu a safiyar ranar lahadi 6 ga watan Mayu a gidan sa dake nan unguwar liman.

Anyi jana'izar shi a babban fili dake nan wajen kofar fadar sarkin Katsina da misalin karfe 2:30 na rana.

Limamin ya rasu yana da shekaru 95 a duniya.

Shima shugaban kasa Muhammadu Buhari ya mika sakon ta'aziyar sa ga iyalen sa.

A cikin takardar da kakakin sa Garba Shehu, ya sa hannu, shugaban yayi jimamin mutuwar marigayin. Yayi kira na a koyi kyakkyawar halayen marigayin kasancewa ya gudanar da rayuwar sa cikin saukin kai.