Mataimakin shugaban kan fannin watsa labarai Femi Adeshina yayi kira ga jama'a da su hattara da shafin mai dauke da suna @ymbuhari domin na bogi ne kuma bata da dangantaka da Yusuf Buhari.

Hirar shi da manema labarai a garin Abuja ranar  talata 4 ga watan Satumba, hadimin shugaban yayi kira ga jama'a da su hattara da yin mu'amala da shafin.

"Ina mai sanar ma jama'a cewa Yusuf Muhammadu Buhari bai da wata shafi a kafafen sada zumunta"

Ina kara bada shawara ga jama'a da suyi watsi da duk wata shafin bogi na iyalen gidan shugaban kasa halazalika ina kira ga masu aikata laifin da suyi hanzari su daina"yace.

Sarkin Kano na bogi

A kwannan baya jami'an tsaro suka cika hannu da wani matashi da yake yaudarar jama'a a kafafen sada zumunta da sunan Sarkin Kano mai martaba Muhammad Sanusi na biyu.

An kama matashin mai shekaru 20 bayan Sarkin ya sanar cewa baya kawance a shafukan sada zumunta don haka jama'a su kiyaye.

Kamar yadda wasu jama'a da suka yi mu'amala da shafin suka bayyana, matashin yana amfanin da shafin wajen neman bukatar kudi.