Farashin kudin fom din neman takara a PDP da APC

Idan akwai mai anniyar tsayawa takarar a zaben karkashin jam'iyar APC ko PDP tp ga farashin takardar neman takara na ko wace kujera.

Kudin takara a PDP

Babban jam'iyar adawa ta sanar da fara sayar da takadar takara ranar 28 ga watan Agusta.

Kamar yadda sanarwar da jam'iyar ta fitar ga farashin aniyar tsayawa da kuma fom din takara kamar haka:

Takarar shugaban kasa - N12,000,000

Takarar gwamna - N6,000,000

Takarar majalisar dattawa - N4,000,000

Takarar Majalkisar wakilai na tarayya - N1,500,000

Takarar majalisar jiha - N600,000

PDP ta daga ranar mika fom din da aka cika na yan takara daga shida ga watan Satumba zuwa sha day ga watan Satumba.

Kudin takara a APC

Jam'iya mai mulki ta sanar da fara sayar da fom din takara ranar laraba 5 ga watan Satumba.

Ga yadda kudin takara karkashin jam'iyar take kamar haka;

Takarar shugaban kasa - N45,000,000

Takarar gwamna - N22,500,000

Takarar majalisar dattawa - N7,000,000

Takarar Majalisar wakilai na tarayya - N3,850,000

Takarar majalisar jiha - N850,000

Duk da cewa wata kungiya ta dauki matakin siya ma shugaba Buhari fom din tsayawa takara, yan kasa na cigaba da cece-kuce game da tsadar takardar karkashin APC.