Taron wanda aka gudanar ranar juma'a da asabar ya samu halartar jama'a da dama daga kasashen Afrika daban daban mabiyan darikar tijjaniya. Dandazon jama'a da suka halarci taron sun mayar da wajen taro na Eagles square da murtala square tamkar babu masakar tsinke.
Abubuwan da ya faru a maulidin Sheikh Ibrahim Inyass
Taron wanda aka gudanar ranar juma'a da asabar ya samu halartar jama'a da dama daga kasashen Afrika daban daban mabiyan darikar tijjaniya
Kamar yadda jagoran darikar tijjaniya Sheikh Dahiru Usman Bauchi ya sanar, makasudin taron shine don karrama babban malami Sheikh Ibrahim Inyass bisa gudummawar da ya bada na cigaban addinin musulunci a duniya.
Banda haka ga wasu muhimman abubuwa da ya faru a wajen taron:
Sheikh dahiru Bauchi ya kalubalanci yan darika kan katin Zabe
Jagoran darikar tijjaniya Sheikh Dahiru Usman Bauchi,ya kalubalanci mabiyan akidar sa wajen samun katin zabe yayin da zaben 2019 ke gabatowa.
A bisa bayanin sa, babban malamin ya kalubalanci yan darikar tijjaniya da suyi gaggawa wajen mallakar katin zabe domin ita ce makami da zai taimaka wajen zaben shugabanni mafi soyuwa a garesu kuma wadanda zasu kawo sauyi da cigaba.
Ya kuma kira da ayi amfanin da katin wajen zaben shugabannin managarta masu kishin kasa kuma wadanda zasu biya bukatun jama'a da suke shugabanta.
Shugaban kasa yayi kira ga yan darika da suyi ma kasa addua
Shugaba Muhammadu Buhari ya bayyana cewa Ibrahim Inyass ya taka muhimiyar rawa wajen cigaban addinin musulunci a duniya.
Shugaban wanda ministan ilimi Adamu Adamu ya wakilta a wajen taron ya jaddada cewa gwamnatin tarayya zata cigaban da taimakawa tafiyar yan darika da yakinin samad da zaman lafiya a kasa.
Yayi kira ga jagorori da mabiyan darikar tijjaniya da su dukufa wajen yi ma kasa addua wajen samun cigaba.
Kwankwaso ya halarci wajen taron kuma ya samu karramawa
Tsohon gwamnan jihar Kano kuma dan majalisar dattawa mai zama, Sanata Rabiu Musa Kwankwaso yana daga cikin manyan yan siyasa da suka halarci wajen taron.
Zuwan sa wajen taron, Sanatan ya samu karramawa daga cikin dinbim masoyan sa na daga cikin yan taron bikin.
Yan shi'a sun mara ma yan Darika baya
Wani abu da ya dauki hankali shine gudummawar da darikar yan shi'a wanda El-zakzaki ke jagoranta suka bayar ga yan tijjaniya don raya wannan ranar.
Kamar yadda muka samu labari sun bada gudummawar ruwan roba kwali-kwali ga yan taro tare da taya su murna zagayowar ranar haihuwar babban malami Sheikh Ibrahim Inyass.
Iyalan Ibrahim Inyass sun nuna farin cikin su kan soyayyar da yan Nijeriya ke nuna ma mahaifin su
Iyalan Sheikh Ibrahim Inyass sun kasa boye farin cikin su bisa kauna da yan Nijeriya ke nuna ma mahaifin su.
A cewar su "Duk Duniya Babu Inda Ake Kaunar Mahaifinmu Kamar Nijeriya, Don Haka Muna Matukar Mika Godiyarmu Ga Tijjanawan Nijeriya".
Anyi rububi wajen hawan fitilar haska titi don sumbatar inda shehu ya bayyana
Abun fadi aji wanda ya kara daukar hankalin jama'a shine yadda wasu daga masu taro suka yi rububi wajen hawan fitalar haska titi domin sumbatar inda Shehu Ibrahim Inyass ya bayyana.
Mabiyan sunyi hakan ne bayan sun samu labari cewa shehin malamin ya bayyana a kololuwar fitilar a taron bikin wanda aka gudanar a garin Abuja.
Kamar yadda muka samu labarin taron bikin na bana wanda aka gudanar a Abuja yana daya daga cikin manyan taruka da aka gudanar a tarihin kasar.
Bayan taron da aka gudanar a Abuja an kuma hada wata a garin Kaduna wanda shima ya samu dandazon mabiya darikar tijjaniya.
JOIN OUR PULSE COMMUNITY!
Eyewitness? Submit your stories now via social or:
Email: eyewitness@pulse.ng