A labarin da Channels Tv ta fitar ana zargin dan takarar da kulla makarkashiya da wasu mutane hudu yayin rubuta jarabawar a shekarar 2017.

Tsohon dan majalisar dattawa wanda zai fito karkashin jam'iyar PDP yayi suna a kasar duba da faidan bidiyo din shi yayin da yake tika rawa yake yawan mamaye kafafen sadarwa.

Hakazalika dan siyasan ya shahara sakamakon dangantarkar shi da fitaccen mawakin Nijeriya wato Davido.

A cikin wata sanarwa da kakakin rundunar yan sanda na kasa Jimoh Moshood, ya sa hannu, ana zargin Adeleke da yin zaman jarabawar NECO ta hanyar sajewa a madadin wani dalibin makarantar Ojo/Aro Community High Schoo dake jihar Osun a cikin shekarar 2017.

Duk da cewa dan takarar yana da shekaru 57, sanarwar ta bayyana cewa ya karyata labarin shekarun sa kamar yadda hukumar NECO ta bayyana.

An zargi Adeleke da rage shekarar haihuwar sa zuwa 1997.

Rundunar yan sanda na neman sa tare da sauran mutane hudu da ake zargin sun taimaka masa wajen aikata laifin domin su gabatar da kansu a ofishin su dake garin Abuja domin a gabatar dasu gaban kotu.