Dan shugaban kasa ya samu sauki ya dawo gida

Bayan jinyar da yaje yi a kasar jamus matashin ya dawo kasar Nijeriya jiya laraba 28 ga watan Febreru.

Kai tsaye bayan saukar sa, Yusuf ya garwaya fadar shugaban kasa inda ya gaisa da mahaifin sa shugaba Muhammadu Buhari.

*Zahra Buhari tayi karin haske game da hatsarin dan uwanta

Tun cikin watan karshe na bara aka tafi dashi kasar jamus domin jinya bayan kwatar dashi da aka yi a wata asibiti dake nan garin Abuja.

Kamar yadda hadimin shugaban kasa a fannin yadda labarai Garba Shehu ya fitar, Yusuf ya samu karaya sanadiyar hatsarin da ya rutsa dashi yayin da yake tsere da babur a daren ranar 26 ga watan disamba na 2017.