Mataimakin shugaban jam'iya mafi rinjaye a majalisa ya rasu

Kakakin majalisar Yakubu Dogara ya tabbatar da rasuwar dan majalisar mai shekaru 58 a duniya, a wata takardar sanarwa da ya fitar.

kakakin ya sanar cewa dan majalisar ya rasu ne a asibiti bayan jinyar rashin lafiya da yasha fama da ita. Dogara ya yaba halayen mamacin inda yace shi mutum ne mai jajircewa wajen aiki.

Marigayin kafin ya zarce majalisar tarayya, ya rike mukamin kakakin majalisar dokoki na jihar Kogi.

Za'a yi jana'izar shi a garin Lokoja bayan sallar Juma'a.