An nada shi da sarautar "Garkuwan talakawa" ranar bikin babban sallah ranar 21 ga watan Agusta.

Gwamnan ya samu sarautar daga mai martaba sarkin Jama'a Alhaji Muhammed Isa Muhammed jim kadan bayan kammala sallar idi.

Jagoran jihar Kaduna ya gudanar da sallar idin babban sallah a garin Kafanchan na karamar hukumar tare da taya al'ummar garin yin hawan sallah.

Gwamna Abdullahi Umar Ganduje ya samu sarauta a  kudancin Nijeriya

Sarautar tashi ya biyo bayan wanda takwaransa na jihar Kano ya samu a kudancin Nijeriya.

Gwamnan Abdullahi Umar Ganduje ya samu sarautar Agu Na Eche Mba 1 of Ndigbo wato zaki mai kare hakkin kabilar ibo daga shugaban sarakunan jihar Abia da yan kudu maso gabas Mai martaba Eze Eberechi Dick.

An gudanar da bikin nadin sarautar a fadar sarkin dake Abia ranar alhamis 16 ga watan Agusta. Sarkin Kano Mai martaba Alhaji Muhammad Sanusi na biyu tare da tawagar ma'aikatan gwamnatin jihar Kano da manyan yan siyasar jihar Kano sun halarci bikin nadin sarautar.