Ban taba yin Birthday kuma bana goyon bayan yahudanci

Haruna ya wanzar da kanshi daga sauran abokan aikin shi dake gangami  wajen shirya liyafa na murnar zagayowar ranar haihuwar su.

Jarumin wanda ya fiye fitowa mukamin mugunta cikin fina-finan hausa ya kora wannan bayani a faifan bidiyo da ya wallafa a shafin sa na Instagram ranar asabar 27 ga wata.

[No available link text]

A cewar shi, muhimmin abun da yake tsoro shine haduwar sa da mahalicin sa inda zai bayyana ayyukan alkhairi da ya aikata a duniya da kuma abubuwa da yayi da arzikin da yasa samu.

*Mu guji kazafi da nemo laifin juna- nasiha daga Jarumi

Shi dai jarumin yace shi dai bai hana mai ra'ayin yin wannan bikin amma shi dai ba zai goyi bayan yin hakan.

Yayi jan kunne kan tsunduma wajen aikata ayyukan alkhairi wadanda zasu taimaki dan Adam a lahira kamar aiwatar da ayyukan sadakatul jariya.

Bikin murnar zagayowar ranar haihuwa

Wannan labarin ya fito bayan kwana biyu da fitacciyar jaruma Nafisa Abdullahi tayi liyafar bikin murnar zagowar ranar haihuwar ta wanda har ta gayyaci yan uwa da abokan huldar ta dake masana'antar Kannywood.

Kwanan baya ita jaruma Haleema Atete ta hada makamancin haka yayin da tayi bikin cika shekara 29 a duniya cikin watan nuwamba na bara.