An cafke tsohon gwamnan jihar Jigawa a wata taron kaddamar da wani littafi

Hukumar yaki da rashawa EFCC sun cafke tsohon gwamnan jihar Jigawa Saminu Turaki

Jaridar vanguard ta ruwaito cewa hukumar sun cafke shi ranar talata 4 ga watan Yuli 2017 a wani taron kaddamar da wani littafi a garin Abuja.

Don tabbatar da haka kakakin hukumar EFCC Wilson Uwujaren yace, “ menene abun tabbatarwa game da haka? Da gaske ne mun cafke shi”

Tsohon gwamnan wanda yayi shugabancin jihar Jigawa daga 1999 zuwa 2007, ya shiga hannun hukumar bayan neman ruwa a jallo da take yi tun 2014.

Za’a tuhume shi bisa ga zargin laifuffuka 36 wanda ya shafi al’mundahana a babban kotun tarayya dake Dutse, jihar Jigawa.

An samu labari cewa mai sharia S. Yahuza ya bada umurni na a cafke shi bayan rashin zuwansa gaban kotu don ganin ingancin zargin da ake mai