Durotoye ya sanar da labarin haka ne a shafin sa na twitter ranar laraba 21 ga watan Nuwamba.

Kamar yadda ya bayyana, Hajiya Khadijah ta kware  a bangaren tallafa wa jama'a inda tayi sama da shekaru 10 tana bayar da gudumawa ga al'ummar.

Wa cece Khadijah Abdullahi Iya

Hajiya Khadijah Abdullahi Iya diya ce ga Alhaji Audu Bida wanda aka fi sani da Alhaji Audu Kongila da Hajiya Aisha Sherriff Usman.

Yar asalin karamar hukumar Bida dake jihar Neja amma haifafiyar yar Kaduna ce.

Tayi karatun digirin ta na farko a jami'ar Abuja inda tayi karatun ilimin shari'a. daga nan kuma ta kara karatun digiri ta biyu a jami'ar Jos shima a kan ilimin Shari'a.

Ta kafa cibiyoyi da gidauniyoyi domin tallafa ma karatun yara mara sa galihu a Kaduna da Abuja.