Dan majalisar dattawa mai wakiltar jihar Bauchi ya rasu

Dan majalisar dattawa mai wakiltar jihar Bauchi Ali Wakili ya rasu.

Ya rasu ne safiyar ranar asabar 17 ga watan maris 2018 a garin Abuja bayan wata gajeruwar rashin lafiya da yayi.

Kamar yadda rahotannin suka bayyana sanatan ya sume ne a gidan shi dake yankin Gwarinpa a garin Abuja kuma daga bisani bayan an tafi dashi asibiti likitoci suka tabbatar da mutuwar sa,

Dan majalisar dai kafin rasuwar sa shine shugaban kwamitin gyaran fuska kan talauci.

Ya rasu yana da shekaru 58 a duniya.