Tsohon gwamna ya amshi horo mai tsanani hannun EFCC

An tuhume shi ne bisa zargin yin rashawa da naira biliyan N10 na kudin jihar Filato yayin da yake gwamna.

Tsohon gwamnan wanda a yanzu dan majalisar dattawa ne mai wakiltar yankin arewacin jihar ya shiga ofishin hukumar tun karfe 10 na safe har wajen karfe 8 na dare kana ya samu damar fita daga ofishin su.

Wani jami'in hukumar EFCC ya shaida ma wakilin jaridar Punch cewa Dan majalisar ya amsa kiran da hukumar tayi mai na ya gabatar da kanasa ofishin su ranar talata. Ya kara da cewa tsohon gwamnan zai kara ziyartar ofishin hukumar ranar laraba domin cigaba daga inda aka tsaya.

Rahotannin sun nuna cewa kara da dama aka kai game da badakalar da tsohon gwamnan wanda yayi mulki tun daga 2007 zuwa 2015 yayi.

Cikin wadanda suka kai karar shi akwai gwamnan jihar na yanzu Simon Lalong.

Gwamna Lalong yana zargin Jang da wawushe tallafin kudi ta musamman (Naira biliyan N2) wanda babban banki kasa ta baiwa jihar Filato a zamanin mulkin shi domin gabatar da shirin kananan kasuwanci.

Banda wannan laifin ana zargin tsohon gwamnan da aikata makamancin haka a ma'aikata da dama na jihar tare da sauya alkiblar wasu kudade zuwa wasu kamfanoni masu zaman kansu.

Jang ya musanta wannan zargin da ake masa har ma ya kara da cewa ya jagorancin jihar cikin adalci.

Hadimin shi mista Olivia Dazyam ya shaida manema labarai cewa dan najalisar ya amsa kiran EFCC ne domin ya wanke kansa bisa zargin da ake mashi.

Tsohon gwamna ya amshi horo mai tsanani hannun EFCC

Enhance Your Pulse News Experience!

JOIN OUR PULSE COMMUNITY!