Hadiza Gabon ta birge cikin kayan anko da tayi da diyar ta
Idan baku sani ba jarumar Kannywood Hadiza Gabon tana da diya duk da cewa bata yi aure ba.
Tauraruwar fim ta wallafa hoton su tare sanye da anko cike da fara'a a shafin ta na Instagram.
Idan akwai mai tunanin yadda rayuwa zata kasance idan mutum ya haihu, ganin yadda jarumar da diyar ta ke narkar da zukatan jama'a duba da irin wasa da dariya da suke yi zai taimaka wajen samun ansar farin cikin da haihuwa ke haddasa.
Ga masu neman sani, jarumar bata yi aure ba amma kuma tana da diya.
Hadiza Gabon ta karbi rainon Maryam Aliyu ne shekarun baya kuma tun lokacin shakuwar su na cigaba da kamari.
Ga masu bibiyan shafin ta na kafafen sadarwa, mawuyaci ne jarumar ta wallafa wani sako ko hoto a shafin ta ba tare da saka diyar ba.
Maryam ta zama tamkar jaruma ga wasu masu bibiyan shafin Hadiza, da yawa sukan bukace ta da ta isar da sakon gaisuwa ga diyar.
Hadiza Gabon tana son yin aure
Shahararriyar 'yar fim din Kannywood din nan, Hadiza Gabon, ta ce tana so ta yi aure amma lokaci ne kawai bai yi ba.
Da take hira da BBC, Hadiza ta ce aure lokaci ne, kuma kamar mutuwa, idan Allah ya kawo shi babu yadda mutum zai guje masa.
Hadiza Gabon, ta ce babu wacce za ta so ta rinka kaiwa-tana-komowa a gaban iyayenta ba tare da ta yi aure ba, alhalin kuma ta kai munzalin yin hakan.
"Wallahi babu wata mace da za ta so ta kai lokacin aure amma ta ki yi" inji Gabon.
JOIN OUR PULSE COMMUNITY!
Eyewitness? Submit your stories now via social or:
Email: eyewitness@pulse.ng