Jarumin wanda ya lashe kyautar bisa rawar da ya taka a shirin "Uwata ce", ya nuna farin cikin samun kyautar a takarar gasar wanda aka hada shi takara da fitattun jarumai.
Ribar da na samu na zama gwarzon shekara, jarumi ya bayyana cigaban da ya samu gabanin gasar AMMA
Bisa ga darajar da ya samu kamfanin TECNO ta kaddamar dashi a matsayin jakadar ta a Nijeriya
A karshen makon da ya gabata ne aka shirya taron gasar karrama fitattun mawaka da yan wasan kwaikwayon arewa da suka yi fice a shekara.
Karo na biyar na bikin wanda aka gudanar a garin Katsina ya samu halarcin manyan fuskoki na daga cikin jagororin masana'antar kannywood.
Hirar shi da BBC, Isa A.Isa ya bayyana cewa bai taba samun irin wannan gaggarumar kyautar ba a duk tsawon shekaru sama da 20 da yake masana'antar fim.
Bisa ga darajar da ya samu na lashe kyautar gwarzon shekara, kamfanin waya ta TECNO wanda take daya daga cikin kamfanuka da suka dauki nauyin bikin gasar ta kaddamar dashi a matsayin jakadar ta na Nijeriya.
Bugu da kari jarumin yace gabanin darajar da ya samu wasu manyan masu shirya fim sun garzawa ofishin sa domin ya rattaba hannun ga takarda na fito a wasu fina-finan da suke shirin yi.
Yana mai cewa "Alhamdulillah ni dai a wannan shekarar babu abun da zan ce sai dai godiya".
Yayin da ya zamanto gwarzo, ita kuma jaruma Halima Atete ta zama abokiyar takamar shi inda itama ta lashe kyautar gwarzuwar shekara.
JOIN OUR PULSE COMMUNITY!
Eyewitness? Submit your stories now via social or:
Email: eyewitness@pulse.ng