Pulse.ng logo
Go

Ziyarar Emmanuel Macron Nijeriya da Faransa sun rattaba hannu ga yarjejeniyar $475M

yarjejeniyar zata taimaka wajen bunkasa ayyokan zamani a jihar Legas da Kano da Ogun.

  • Published:
President Buhari has thanked the French President, Emmanuel Macron for his commitment towards Nigeria and West-Africa. play Shugaban Faransa ya kawo ziyarar kwana biyu Nijeriya (Twitter/@MBuhari)

Gwamnatin Nijeriya da ta kasar Faransa sun rattaba hannu ga yarjejeniyar dala miliyan 475 domin bunkasa wasu ayyukan zamani don amfanin jama'a.

Hakan ya faru ne yayin da shugaban Faransa, Emmanuel Macron, ya ziyarci fadan shugaba Muhammadu Buhari sakamakon ziyarar kwana biyu da ya kawo Nijeriya.

Yarjejeniyar zata taimaka wajen bunkasa harkokin sufuri a jihar Legas tare da inganta hanyoyin inganta shuka a jihar Ogun da samad da hanyoyin tafiyar ruwa a jihar Kano.

Ministan kudi, Kemi Adeosun, ta rattaba hannu a takarda a madadin gwamnatin jihohin da yarjejeniyar zata amfana a fadar shugaban kasa ranar talata 3 ga wata.

GabaninĀ  yarjejeniyar shugabannin sun tattauna kan wasu muhimman batutuwa wanda ya danganci bunkasa harkokin kasuwanci da inganta tsaro.

Macron, ya bayyana cewa gwamnatin sa zata taimaka wajen yaki da ta'adancin yan ta'adar boko haram da ISIS da suka addabi al'ummar kasar da sauran kasashen yammacin nahiyar Afrika.

Daga karshe shugaba Buhari, yayi ma matashin shugaban Farsansa godiya bisa taimako da goyon baya da yake wajen kawar da ta'adanci a kasar da sauran kasashen Afrika.

Bayan ganawar shi da shugaban kasa, Emmanuel Macron ya garzaya jihar Legas inda ya halarci wani taro na musamman na raya al'ada a daidai wajen taro da aka gina don mutunta fitaccen mawaki Marigayi Fela Kuti dake nan jihar Legas.

Do you ever witness news or have a story that should be featured on Pulse Nigeria?
Submit your stories, pictures and videos to us now via WhatsApp: +2349055172167, Social Media @pulsenigeria247: #PulseEyewitness & DM or Email: eyewitness@pulse.ng. More information here.

X
Advertisement