An fitar da littafi kan rayuwar shahararren mawaki Dr Mamman Shata

Ga masu neman sanin tarihin shahararren mawakin hausa, Dakta Mamman Shata, wanda tauraron sa ya haska matuka, abun nema ta samu don an fitar da littafi mai dauke da tarihin rayuwar shi.

Shahararren dan jarida kuma marubuci Ibrahim Sheme ya rubuta littafin mai dauke da shafuka 921.

Tsawon shekara 12 yayi yana aikin fitar da littafin na tarihin rayuwar fitaccen mawakin.

Marubucin yace bai taba rubuta littafi wanda ya sha wuya kamar wannan.

Yana mai cewa "Na kashe kudi ban san adadin su ba. Na rika zama a tebur, a gaban komfuta, daga safe zuwa karfe 2 na dare, na tsawon watanni, na hana kai na more rayuwa yadda ya kamata, kafin wannan aiki ya kammala".

Ibrahim Sheme yace wannan littafin wanda Shata da kanshi ya bashi izinin rubutawa ya sha babban da wanda yayi jagoran rubutawa a shekarar 2006.

Yace littafin ya inganta ta fuskoki daban-daban kuma ko makaho ya zai ji bambamcin ta idan ya shafa.

Masana sun gudanar da taron nazari kan rayuwa da fasahar shahararren mawakin ranar litinin 3 ga watan Satumba a nan sashen hausa na jami'ar Bayero dake Kano.

Dr Mamman Shata yayi fice a gida da wajen Nijeriya zamanin baya. Ya rasu a cikin shekarar 1999 a nan asibitin Aminu Kano bayan wata rashin lafiya da yayi.

An fitar da littafi kan rayuwar shahararren mawaki Dr Mamman Shata

Ga masu neman sanin tarihin shahararren mawakin hausa, Dakta Mamman Shata, wanda tauraron sa ya haska matuka, abun nema ta samu don an fitar da littafi mai dauke da tarihin rayuwar shi.

JOIN OUR PULSE COMMUNITY!