Labarai a takaice na makon jiya

Wasu daga cikin muhimman labarai da suka fita a Najeriya makon da ya shude.

Ga kannun labarai da suka fito kamar haka;

Tsohon gwamnan jihar Kano kuma dan majalisar dattawa, Sanata Rabiu Musa Kwankwaso, yayi barazanar ficewa daga jam'iyar PDP muddin uwar jam'iyar na Abuja ta cire yan akidar sa na Kwankwasiya daga cikin yan takarar ta a jihar Kano.

Kwakwaso dai yayi wannan barazanar ne a garin Abuja yayin da ya gana da wasu jiga-jigan jam'iyar PDP kan batun yan takarar jam'iyar daga jihar Kano.

Kamar yadda rahotanni suka bayyana kwamitin ayyuka na PDP ta shirya taron ne domin sasanta ya'yan jam'iyar na jihar domin cinma matsaya da zai haifar da farin ciki a cikin zukatan ya'yan jam'iyar na jihar Kano.

Bayan tattaunawar da suka yi, jam'iyar ta amince da Salisu Takai a matsayin dan takarar gwamnan ta na jihar Kano.

Mata biyu sun samu nasara lashe tikitin APC na tsayawa takara daga jihar arewa

SanataBinta Masi wacce take daya tilo daga arewacin Nijeriya dake zauren majalisar dattawa tayi nasarar samun tikitin sake tsayawa takara domin wakiltar al'ummar yankin arewacin jihar Adamawa.

Ta samu tikitin cikin ruwan sanyi bayan rashin samun abokin takara mai neman kujerar.

Ita ma tsohuwar yar majalisar wakilai daga jihar, HajiyaAisha Dahiru, zata nemi zarcewa zuwa zauren majalisar dattawa bayan da ta lashe zaben fidda gwanin da jam'iyar APC tayi.

INEC ta hana APC fitar da dan takara a jihar Zamfara

ukumar zabe ta dauki wannan mataki na sauke yan takarar APC na jihar duba da goyon bayan kundin tsarin dokar zabe.

A cikin wani sako da kakakin hukumar, Okechukwu Ndeche, ya fitar  ma jam'iya mai mulki, hukumar tayi duba da sashi 87 da 31 na kundin zabe wajen daukar wannan matakin.

Bisa ga wannan, INEC tace jam'iyar APC bata da dan takarar gwamna da kuma yan takarar majalisun tarayya da kuma na jiha daga jihar Zamfara.

Hakan ya biyo bayan uwar jam'iyar na kasa da kuma ta jihar suka gaza cinma matsaya game da zaben fidda gwani na jihar domin tantance yan takara.

Jam'iyar ta gaza fitar da yan takarar ta kafin ranar 7 ga watan Oktoba, ranar karshen wa'adin da INEC ta bada na tura yan takarar daga jam'iyu.

Atiku ya kai ma tsohon ubangidansa, Olusegun Obasanjo, ziyara

Dan takara PDP a zaben 2019, Atiku Abubakar, ya kai ma tsohon shugaban kasa ziyara wanda a karkashin sa ya rike mukamin mataimakin shugaban kasa.

Atiku ya ziyarci Cif Olusegun Obasanjo a gidansa dake nan jihar Ogun domin neman sulhu tare da neman goyon bayan sa a zaben dake gabatowa.

Kamar yadda muka samu labari, Atiku ya isa zauren gidan Obasanjo a daidai karfe 1:05 na rana tare da wasu jiga-jigan PDP da wasu manyan malaman addini.

Cikin tawagar da suka garzaya gidan tsohon shugaban kasa akwai shugaban jam'iyar PDP, Uche Secondus, jagoran kungiyar Afenifere, cif Ayo Adebanjo, shugaban yakin neman zaben Atiku, Gbenga Daniel da Sanata Ben Murray-Bruce.

A bangaren malamai kuwa akwai Bishop Mathew Kukah, Bishop David Oyedepo da kuma Sheikh Ahmad Gummi.

Mawaki Ado Isah Gwanja ya zama ango

Shahararren mawaki kuma jarumin masana'antar Kannywood, Ado Isa Gwanja, ya shiga sahun sabbin angwaye.

An daura auren sa da masoyiyar shi Maimuna Kabir Hassan, ranar Juma'a 12 ga watan Oktoba a nan garin Kano.

Fitattun jarumai da sauran abokan aiki sa na masana'antar kanyywood sun halarci shagulgulan bikin aurensa.

Atiku ya zabi Peter Obi a matsayin mataimakin sa a takarar shugaban kasa

Bayan yan kwanaki da samun tikitin babban jam'iyar adawa ta PDP na tsayawa takarar shugaban kasa, Atiku Abubakar, ya zabi tsohon gwamnan jihar Anambra, Peter Obi a matsayin mataimakin sa.

Labarin haka ya bayana bayan ziyarar da tsohon gwamnan ya kai ma gwanin PDP a gidansa dake nan birnin taraya na Abuja ranar 12 ga watan Oktoba.

JOIN OUR PULSE COMMUNITY!

Eyewitness? Submit your stories now via social or:

Email: eyewitness@pulse.ng

Recommended articles

Bisola Aiyeola opens up on pausing music for Nollywood

Ada Jesus drama: Actress Rita Edochie curses critics on Instagram

Kanye West responds to Kim Kardashian's divorce petition

Avocado Pear: The health benefits of this fruit are priceless

Ngozi Okonjo-Iweala wants us to wear Ankara; here are 4 style tips

The full details behind Rita Edochie, Prophet Odumeje and Ada Jesus' drama

Actress Rachel Bakam is dead

Google honours Oliver De Coque on his 74th posthoumous birthday

Man stabs Chief Imam to death over alleged love affair with wife