An sake kama Dino Melaye bayan ya tsere daga hannun jami'an tsaro

A ranar talata 24 ga watan afrilu dan majalisar ya kufce daga jami'an tsaro yayin da suke kan hanyar gabatar dashi gaban babban kotu tarayya dake Lokaja nan jihar Kogi kan zargin da ake masa.

Sakamakon durowan da yayi a motar jami'an tsaro, sanata ya samu rauni wanda bisa wannan dalilin aka garzaya dashi wata asibiti dake yankin Mabushi mai suna Zankli Medical Center.

Kamar yadda mai magana da yawun rundunar yan sanda Jimoh Moshood ya sanar, dan majalisar ya kufce daga hannun jami'an dake safarar shi tare da taimakon wasu yan tawaye magoya bayan shi.

Kakakin ya kara da cewa za'a dauki mataki mai tsauri kanshi domin gabatar dashi gaban kotu ba tare da bata lokaci idan ya murmure.

Kamar yadda labari yazo mana yan sanda sun mamaye asibitin da yake jinya kuma akwai yiuwar ya canza masa asibiti bisa dalilai na tsaro.

Zargin da ake yi ma Dino Melaye

Hargitsin jami'an tsaro dasanatan ya fara ne tun ranar litinin a filin jirgin saman Abuja bayan da aka hana shi tafiya kasar waje.

Dan majalisar yaki amincewa da gayatar da jami'an tsaro suka yi masa don bada amsar zargin da ake masa.

Ana zargin sa da daukar nauyin wasu yan tawaye da aka kama a jihar kogi masu haifar da rikicin siyasa a jihar.

Sai dai dan majalisar ya sha musanta wannan zargin inda ya danganci lamarin da aikin siyasa daga makiyin sa.

An sake kama Dino Melaye bayan ya tsere daga hannun jami'an tsaro

JOIN OUR PULSE COMMUNITY!