Lamarin ya faru ne yayin da ake kai amarya dakin mijinta da misalin karfe 8:00 na daren ranar asabar 31 ga watan Maris wanda ya jefa al’ummar yankin cikin taraddadi da rashin tabbas.
ADVERTISEMENT
An sace Amarya da yan rakiya su 10
Lamarin ya faru ne daren ranar asabar 31 ga watan Maris a karamar hukumar Birnin gwari dake jihar Kaduna
Yayin da ya ke tabbatar da aukuwar lamarin, wani tsohon Shugaban karamar hukuma wanda ya bukaci a boye, masu garkuwar sun dakatar da motar wacce ke dauke da amaryar, inda suka yi awon gaba da ita da kuma ‘yan rakiyar ta su goma.
Ya ce, lamarin ya auku a tsakanin kilomita 55 daga garin Birnin Gwari. Sai dai rahotanni sun ce, uku daga cikin wadanda aka yi garkuwar dasu sun samu damar kubuta, inda suka dawo garin a jiya da safe.Sai dai kakakin hukumar yan sanda ta jihar Kaduna ya sanar cewa labarin bai isa gare su ba.
Birnin gwari yana daya daga cikin garuruwa dake fuskantar barazana da hare-haren yan fashi da masu garkuwa da mutane kuma al' amarin yaki ci kuma yaki cinyewa.
ADVERTISEMENT
Al'umma dai suna ta koke-koken kan a kawo masu dauki kan tarzomar da suke fuskanta a hannun yan ta'dda.
JOIN OUR PULSE COMMUNITY!
ADVERTISEMENT
Eyewitness? Submit your stories now via social or:
Email: eyewitness@pulse.ng
ADVERTISEMENT