Gasar Arewa Music and Movies Award (AMMA), gasa ce wanda ake shiryawa a ko wani shekarar domin karrama fitattun jaruman da mawakan Arewa da suka taka rawar gani a sana'ar su.
Fitattun jarumai da suka yi nasarar lashe kyaututuka a gasar AMMA
Ado Ahmad GIdan Dabino, Bello Hafizu Halima Atete da Ali Nuhu na daga cikin fitattun jarumai da tauraron su ya haska a gasar bana
Bikin taron wanda aka gudanar a jihar Katsina a karshen makon da ya shude, ya samu halarcin fuskoki da dama na daga jiga-jigan masana'antar kannywood.
Wasu daga cikin manyan jarumai da suka yi nasara lashe kyaututuka a gasar sun hada da;
Bello Hafizu - ya amshi lambar yabo guda biyu
Isa A. Isa - Shima ya samu lambar yabo guda biyu
Ado Ahmad Gidandabino - Shine jarumin jarumai a gasar bana, tauraron shi ya haska matuka bisa kwarewa da nuna basira da aka yi a shirin "Juyin sarauta". Ya samu kyauta har guda shidda a dare daya.
Halima Atete - ta samu kyuatar zama gwarzuwar shekara
Ali Nuhu - an bashi kyautar fitaccen mai bada umarni na bana bisa rawar da ya taka wajen shirya fim din 'Mansoor".
Sauran jarumai da suka samu kyauta a daren sun hada da Ali Jita, Umar M. Sheriff, Amal Umar, Hafsat Idris da sauran su.
Taron bikin gasar na bana ya tada kura ya bar baya ganin yadda dandazon jarumai da ma'abotan fina-finai da wakokin hausa suka bayyana a garin Katsina domin taya juna murna.
JOIN OUR PULSE COMMUNITY!
Eyewitness? Submit your stories now via social or:
Email: eyewitness@pulse.ng