Kungiyar malamai ta NUT zata gudanar da yajin aiki bisa korar da gwamnati tayi

Wannan labarin ya fito bisa sanarwan da mataimakin sakataren kungiyar Adamu Anglo ya sanya hannu kuma ya fitar ranar 4 ga wata wanda yan jarida suka samu a ranar lahadi.

Malamai 21,765 gwamnatin jihar ta kora bisa rashin samun nasarar tsallake jarawaba da aka gudanar masu a cikin watan Yuni na 2017.

Wannan sanarwa ta zagaye dukanin kananan hukumomi 23 dake jihar bayan kungiyar ta baiwa gwamnatin jihar damar kawar da wannan matakin da kuniyra zata dauka.

Kungiyar tace matakin ya zama dole ganin yadda gwamnatin jihar ke ta baiwa malaman takardar sallama yayin da aka dawo aiki bayan hutun kirismeti da sabin shekara.

Wa'adin da kungiyar ta fitar ya kara haske akan wasu batuwa da gwamnatin jihar ke neman katse wa malamai irn su, sanya malaman makarantar sakandare yin murabus kafin sukai ainihin shekarun daina aiki wanda doka ta kafa

Wani batu da kungiyar ke neman gwamnati da biya shine biyan kudin sufuri ga malaman firamare 3,338 na shekara 2015, 2016 da 2017 duk da cewa an ciree kudin domin wannnan manufar.

Hotunan sakamakon jarabawan malaman ya tayar da kura

Hakazalika malaman suna neman gwamnatin da ta biya albashin malamai sama da 15,000 na tsakanin watan Yuni na 2015 zuwa Yuli na Yuli.

Daga karshe NUT ta jaddada cewa gwamnati bata cinma burin malamai ba domin da yaewa ciki su ba'a biya albashin su haka kuma wasu da dama basu samun albashin da ya kamata.

Bugu da kari kungiyar tace gwamnatin jihar ta kasa bunkasa harkar ilimi a jihar ta hanyar tallafawa da malamai da kayan aiki da kuma ingantaccen na'urorin aikin koyarwa da sauran su.

Kungiyar malamai ta NUT zata gudanar da yajin aiki bisa korar da gwamnati tayi

JOIN OUR PULSE COMMUNITY!